Luke 1:26-38 from Wycliffe Bible (Later Version) circa 1388 or 638 years ago

This Bible passage about the angel Gabriel visiting Mary, the mother of Jesus, is still very readable to anyone familiar with the 1611 King James Version.

²⁶ But in the sixte moneth the aungel Gabriel was sent fro God in to a citee of Galilee, whos name was Nazareth,

 ²⁷ to a maidyn, weddid to a man, whos name was Joseph, of the hous of Dauid; and the name of the maidun^u was Marie. 

²⁸ And the aungel entride to hir, and seide, Heil, ful of grace; the Lord be with thee; blessid be thou among wymmen.

²⁹ And whanne sche hadde herd, sche was troublid in his word, and thouȝte what maner salutacioun this was. 

³⁰ And the aungel seide to hir, Ne drede thou not, Marie, for thou hast foundun grace anentis God.

 ³¹ Lo! thou schalt conceyue in wombe, and schalt bere a sone, and thou schalt clepe his name Jhesus. 

³² This schal be greet, and he schal be clepid the sone of the Hiȝeste; and the Lord God schal ȝeue to hym the seete of Dauid, his fadir, 

³³ and he schal regne in the hous of Jacob with outen ende, and of his rewme schal be noon ende. 

³⁴ And Marie seide to the aungel, On what maner schal this thing be doon, for Y knowe not^a man?  

35 And the aungel answeride, and seide to hir, The Hooly Goost schal come fro aboue in to thee, and the vertu of the Hiȝeste schal ouerschadewe thee; and therfor that hooli thing that schal be borun of thee, schal be clepid the sone of God. 

36 And lob! Elizabeth, thi cosyn, and sche also hath conceyued a sone in hir eelde, and this moneth is the sixte to hir that is clepid bareyn; 

37 for euery word schal not be inpossiblec anentis God. 

38 And Marie seide, Lo! the handmaydynd of the Lord; be it don to me aftir thi word. And the aungel departide fro hir.

–